Il grill era super. La gratella suenter plitost in film da tema.

Nus enconuschain quai: il steak era perfetg, las liongias legendaras – e la damaun suenter ta guarda la gratella sco in lieu dal delict. Grass brischadì, crustas nairas, rests taclants. Giust per quai datti il nettegiader da grill e furn DRUFF.

Empè da vapurs irritantas sa fida DRUFF sin milliuns da pitschens gidanters: microbs natirals decumponan il grass, ti stos mo pli fruschar davent. Sfruschar fin al bratsch da tennis? Betg pli necessari.

Uschia vai

1. Sprizzar – generusamain sin gratella, paraids u platta da furn.
2. Laschar agir – ils microbs dovran in pau temp. Tant pli grossa la crusta, tant pli ditg. Il mument perfetg per tschertgar la tanaglia da grill ch'è puspè svanida.
3. Fruschar giu – cun tuaglia, spungia u nossa spirala d'atschal inoxidabel. Finì.

Per tge?

• Grill: gratella, paraids internas, cuvertg, chaschuna
• Cuschina: furn, plattas da furn, platta da cuschinar, chapetscha d'aspiraziun, microundas
• Dapertut nua ch'il grass s'ha fixà

Bun da savair

• Duvrar mo sin surfatschas sferdentadas – grill chaud e buttiglia da sprizzar n'èn nagins amis.
• Surfatschas che vegnan en contact cun victualias suenter la nettegiada lavar giu cun aua netta.
• Testar surfatschas sensiblas u cuvridas l'emprim en in lieu pauc visibel.
• Tegnair ord la cuntanscha d'uffants.

1 ml = 80 milliuns microbs. Quai èn dapli gidanters da grill che ti pudessas mai envidar ad ina festa.