Products da nettegiar persistents senza obligaziun da designaziun

Noss products da nettegiar èn formulads sin basa d'aua e senza additivs chemics. Nus mettain empe sin ingredienzas natiralas che èn dal tut innocentas per gronds e pitschens sco er per tes animals da chasa. Er l'ambient vegn a ta engraziar, perquai che tut ils products DRUFF èn 100 % biodegradabels.

Cuntegna microbs natirals cun effect dubel

Gronda prestaziun da nettegiar, neutralisaziun d'odurs malempernaivlas – dus aspects che noss nettegiaders DRUFF unifitgeschan senza fadia. Pussaivel è quai grazia a pitschens microorganissems numnads microbs. Els metaboliseschan las particlas da tschuffergna e cun quai er las odurs che van a pèr cun la tschuffergna. Questas na vegnan betg cuvridas, mabain neutralisadas a moda fidaivla. Il resultat: surfatschas, textilias e plantschius sco novs.

Reducescha il consum da plastic per 80 %

Cun noss concentrat DRUFF pratitgeschas ti la furma da nettegiar la pli favuraivla a l'ambient. Ina buttiglia da 500 ml dat 5 liters product da nettegiar. Cun mintga applicaziun dal concentrat spargnas ti quatter buttiglias da plastic da product da nettegiar convenziunal. Uschia contribueschas ti activamain a reducir il microplastic betg degradabel en la natira ed en ils oceans.

Spargna plaz, temp e daners

Nettegiader da WC, nettegiader da vaider, allontanader da grass – cun il nettegiader DRUFF survegns ti tut quai en in unic product fitg effizient. Quintà per liter è quai pli bunmartà che cumprar products da nettegiar convenziunals. Ultra da quai dovras ti main plaz en tes stgaffa da nettegiar. E betg il davos è il nettegiar da tes locals privats u commerzials fatg pli svelt: sprizzar, laschar agir – fatg!

Adattà per mintga intent

Dovra noss nettegiader DRUFF tenor tes basegns individuals. El è adattà per nettegiar WCs, surfatschas da lavur, plantschius da cuschina e maisas da mangiar. Er l'intern e l'extern da tes auto libera el da tschuffergna e d'odurs. Dovra la pratica buttiglia da sprizzar per bletgar chalzers, tastgas da sport e vestgadira cun la soluziun favuraivla a l'ambient. La damaun suenter odureschan els puspe fresc e net.

Protegia surfatschas, pel e vias respiratoricas

Di adieu al sfruschar stancantus, als allergens ed als vapurs donnegiants. Noss nettegiader persistent nettegia sco da sez. In millilitre dal concentrat cuntegna var 80 milliuns microbs. Mintga 20 minutas sa dubla lur quantitad e cun quai er lur prestaziun da nettegiar. Quai fa dal concentrat ina soluziun da nettegiar pussanta, ma tuttina loma per laminat, marmel e tut las autras surfatschas usitadas.

Accarezza il nas cun in odur agreabel

Noss nettegiaders DRUFF survegns ti en duas odurs exquisitas: lain da sandal ed aloe vera-menta. L'aroma natirala è in benefizi per tes nas. Il lain da sandal chaud e lainus dat al lieu nettegià ina nota eleganta e tuttina discreta. L'aloe vera-menta percunter è fresca e vivifitgonta – ideala per la stanza da bogn, la zona da fitness u la cuschina.